Իմ ու գերմաներենի համատեղ կապի մասին պատկերացումները սկսվել են պատանի տարիներից, երբ որոշեցի, որ ուսումս պետք է շարունակեմ ԳԴՀ-ում։
Մեր առաջին հանդիպումը կայացավ մոտ մեկ ու կես տարի առաջ, որից հետո հիշողությանս մեջ տպավորվել է ծնոտիս ցավը։ Չմտածեք չէ, չի խփել. հետևանքը՝ ումլաութով տառերը ճիշտ արտաբերելու փորձեր ։ԴԴ
Չէի կարծում, որ գերմաներենը այս ընթացքում կդառնա իմ սիրելի լեզուն, բայց եղավ անսպասելին։ Ատելությունից սեր մեկ քայլ էր ու բազմաթիվ արտիկլներից, հոլովներից, արտահայտություններից՝ որոնք ուղղակի պետք է հիշես, բոլոր կանոններից հետո, երբ արդեն սկսեցի քիչ թե շատ գերմաներենով մտքեր արտահայտել, ֆիլմեր հասկանալ՝ մեր մեջ ձևավորվեց այդ մեծ սերը։
Երբ Գերմանիայում չես ու գերմաներենը առօրյայիդ շատ փոքր մասն է կազմում՝ հեշտ չի տրվում առօրյա, ինչպես նաև բանավոր խոսք ձևավորելն ու զարգացնելը։ էս առումով էլ օգտակար եղան սոց․ կայքերը, որոնց միջոցով տարբեր գերմանախոսների հետ կապ հաստատեցի ու սկսեցինք շփվել։ Բանավոր խոսքի զարգացման հարցում նաև շատ օգնեցին Tutor German Club-ի հանդիպումները։ Իմ համար շատ օգտակար են եղել նաև ֆիլմերը, որոնք նայել եմ գերմաներենով՝ տարբեր անվճար կայքերում։ Սրանք այն միջոցներն են ինձ համար, որ հնարավորություն են տալիս համատեղել օգտակարը հաճելիի հետ։
Գերմաներենի լեզվական մակարդակը ստուգելու քննությունների մասնակցել եմ երեք անգամ, այսինքն ունեցել եմ 3 փորձ, որից 2-ն անհաջող: Մեկ անգամ ձախողել եմ B1 մակարդակի քննությունը, մի անգամ էլ` C1 մակարդակինը, բայց համառության շնորհիվ այս պահին ունեմ ոչ միայն C1 մակարդակի սերտիֆիկատ, այլև Գերմանիայում մագիստրոսի աստիճան ստանալու հույս։
Կարդա նաև՝
Leave a Comment