Ողջույն։ Վերջին անգամ ե՞րբ եք ուսումնասիրել աշխատանքի հայտարարությունների կայքերը։ Ի՞նչ հայտարարություններ եք տեսել՝ «պահանջվում են ծրագրավորողներ, SMM մասնագետներ, գրաֆիկ կամ UI/UX դիզայներներ…»
Իսկ այս մասնագիտություններից ո՞րն է հնարավոր սովորել ո՞ր համալսարանում։ Մինչ օրեցօր աշխատաշուկայում ավելանում են նոր մասնագիտությունները և պահանջվում են ավելի հմուտ մասնագետներ, մեր համալսարաններում մենք դեռ դիպլոմներ ենք ստանում, որոնք ոչնչով չեն օգնում գործատուի հետ հարցազրույցի ժամանակ։
Եվ համալսարանական կրթությունը գնալով իր տեղը զիջում է ոչ ֆորմալ կամ շարունակական կրթությանը։ Մենք մասնագիտություններ ենք ձեռք բերում տարբեր ուսումնական կենտրոններում, շատերս էլ՝ աշխատանքում։
Հարց է առաջանում՝ «ո՞րն է դիպլոմի դերը»։
Դիպլոմի դերը. պատմում են ուսանողները
Այս հոդվածի համար ես զրուցեցի English Learners Club-ի, իսկ Սվետան՝ Tutor German Club-ի անդամների հետ, ու խնդրեցինք նրանց ներկայացնել, թե ինչ են ուսումնասիրել համալսարանում, ինչ մասնագիտությամբ են այժմ աշխատում, որն է համալսարանական կրթության դերը իրենց կյանքում։
Անգլերենի խմբի անդամներից մեկը պատմում է. «Համալսարանում սովորել եմ միջուկային ֆիզիկա, բայց սովորելու ընթացքում պարզ դարձավ, որ այս մասնագիտությամբ աշխատել կարող եմ, եթե շարունակեմ ակադեմիական ոլորտում մնալ։ Սկսեցի ինքնուրույն ծրագրավորում սովորել ու հիմա այդ ոլորտում եմ, միշտ էլ սովորելու նոր բաներ կան, դա շարունակական պրոցես է։ Բայց եթե հետ տամ ժամանակը, նորից կընդունվեմ համալսարան, որովհետև այն ինձ տվել է այսօրվա ունեցածս աշխարհայացքը»։
Իսկ մեդիա փորձագետ Ալեքսանդրն էլ մեզ պատմեց ոչ ֆորմալ կրթության առավելությունների մասին։ Դիտենք՝
Դիպլոմի դերը. պատմում է մասնագետը
ՇԱՐՈՒՆԱԿԱԿԱՆ ԿՐԹՈՒԹՅՈՒՆԸ ՀԱՅԱՍՏԱՆՈՒՄ. AUA OPEN EDUCATION
Համալսարանների նշանակության և շարունակական կրթության մասին խոսեցինք ՀԱՀ Շարունակական կրթության բաժնի ղեկավար Լուսինե Հայեսի հետ։
Նա ասում է. «Ակադեմիական կամ ֆորմալ կրթության դերը մարդու ընդհանուր աշխարհայացքի, մտածողության ձևավորումն է։ Համալսարանում սովորում ենք մտածել ու գործել։ Այսինքն՝ չի կարելի ասել, որ շարունակական կրթությունը փոխարինում է համալսարանին, այս կառույցները պիտի գործեն համալսարաններին զուգահեռ, դառնան հետազոտական կենտրոններ և տեղեկացնեն համալսարանին, թե ինչպիսի կրթական ծրագրերի կարիք կա՝ այդպիսով իմաստավորելով համալսարանի գոյությունը»։
Դիպլոմի դերը. պատմում ենք մենք
Ինչպես արդեն ասացի, աշխարհը շարունակում է նոր մասնագիտություններ հնարել ու նոր մասնագետների պահանջը գնալով մեծանում է։ Բայց մեր կրթական ոլորտը անհամեմատ դանդաղ է արձագանքում աշխատաշուկայի մարտահրավերներին։ Մնում է ինքներս գլխներիս ճարը տեսնենք։
Ինչպե՞ս։ Նոր մասնագիտություններ ու հմտություններ կարելի է սովորել երկու տարբերակով՝ ինքնուրույն համացանցը փորփրելով, տարբեր ուսումնական կենտրոնների կազմակերպած թրեյնինգների մասնակցելով։ Քանի որ առաջին հարցում օգնել չեմ կարող, առանձնացրել եմ առաջիկա լավագույն դասընթացները, վեբինարները, որոնց կարող եք մասնակցել։
Որի՞ն գրանցվես, ո՞րը՝ թողնես
Առանձնացրել ենք օտար լեզուների առաջիկա առցանց դասընթացները, հանդիպումները, քննարկումները։
Leave a Comment