Կրթական համակարգի բացերը. Ուսանողներ

«Եթե ուսանողը չի կարող գրել պաշտոնական նամակ դասախոսին կամ ֆայլերին համապատասխան անուններ տալ, ապա ի՞նչ պետք է անի, եթե ուզի ընդունվել աշխատանքի։ Եթե դու չունես կարգուկանոն համակարգչիդ մեջ, ապա դա նշան է դասախոսի կամ աշխատատուի համար, որ լուրջ չես վերաբերում հարցին ու չես կարևորում աշխատանքը»,- կարծում է Մորիցը։

«Խնդիրները գալիս են դեռ դպրոցից, որտեղ աշակերտները չեն սովորում ռեֆերատ գրել, շնորհանդես ներկայացնել։ Ցավոք շատ ուսուցիչներ իրենք էլ չգիտեն՝ ինչպես անել այդ ամենը, ո՞ւր մնաց՝ սովորեցնեն։ Փաստացի կրթությունը հիմնված է տեսական գիտելիքների վրա, բայց ոչ՝ կիրառական ու խմբային աշխատանքների։ Դեռ դպրոցից պետք է հստակեցվի ու խրախուսվի ոչ ֆորմալ կրթության կարևորությունը ֆորմալի հետ՝ զուգահեռ։
Պետության խնդիրն է լուծել այս հարցերը, իմաստալից ու համապատասխան դասապլան ստեղծել։ Դրանից բացի, պետական կրթական հաստատություններում աշխատող մասնագետները չեն ստանում նորմալ աշխատավարձ։ Ջահել մասնագետները գնում են այլ ոլորտներ կամ էլ երկրից դուրս։ Տասը տարի հետո Հայաստանը կկանգնի ահռելի խնդիրների առաջ, եթե չլուծի այս հարցը»։