Ձեր դասընթացին չե՞ն գրանցվում։ Համոզվեք, որ արել եք այս ամենը

Ձեր դասընթացի էջում

1. Դասընթացի էջի նկարը դարձրեք 1200×628 չափերի և համոզվեք, որ չի պարունակում վճարովի կայքերից տարբերանշաններ։

2. Լրացրեք «Դուք կսովորեք» հատվածը՝ հստակ կետերով գրելով, թե դասընթացի մասնակիցները ինչ արդյունք կստանան դասընթացի ավարտից հետո։

3. Լրացրեք «Բովանդակություն» բաժինը. Այստեղ պետք է գրել, թե դասընթացի ընթացքում ինչ թեմաների եք անդրադառնալու, ինչ նյութերով, դասագրքերով։

4. Լրացրեք «Մասնակցության համար անհրաժեշտ է» բաժինը, եթե հստակ քայլեր անելու անհրաժեշտություն կա, այս ցուցումները մարդիկ ստանալու են էլեկտրոնային փոստի հասցեով։

5. Ավելացրեք դասընթացին մասնակցելու մի քանի գրաֆիկներ՝ գրելով մեկնարկի մի քանի օրեր, տևողություն, ժամեր, մասնակիցների քանակ և այլն։

6. Ավելացրեք լուսանկարներ հենց այս դասընթացին վերաբերող։

7. Ավելացրեք դասընթացի մասին պատմող հոլովակ, այն կարող եք ինքներդ էլ նկարել հեռախոսով։

8. Ավելացրեք զեղչեր, եթե դրանք առկա են։

9. Համոզվեք, որ լրացված են բոլոր բաց դաշտերը և պահպանեք էջը։

10. Տարածեք դասընթացի էջը ֆեյսբուքում, լինքդինում, թվիթերում, պատճենեք հղումը և ուղարկեք տարբեր մարդկանց, որոնք կտարածեն Ձեր դասընթացը։

11. Ուղարկեք Դասընթացի էջը Ձեր նախկին ուսանողներին և խնդրեք, որ դասընթացի էջում գնահատականներ ու մեկնաբանություններ թողնեն։