Եթե փորձեք Գուգլում փնտրել «Ի՞նչ է պետք անել բիզնես սկսելուց առաջ»՝ արդյունքները կլինեն շատ միանման, լավագույն դեպքում կստանաք քայլերի մի ցանկ, որն արդի բիզնես մոդելների հետ ոչ մի առնչություն չունի։ Այդ ցանկը մեծ մասամբ ունի այս տեսքը.

• Գրել բիզնես պլան,
• Մշակել բիզնես մոդել,
• Հաշվարկել կանխատեսվող ծախսերն ու եկամուտները,
• Գրանցել բիզնեսը պետական գրանցման կառույցներում և այլն։

Իհարկե այս բոլոր կետերը ճշմարիտ են դասական բիզնեսների համար, սակայն ներկայիս «start-up»-երի բիզնես մշակույթը այլ կանոններ է թելադրում։ Հաջողակ գործարար լինելու համար միայն ֆինանսական հոսքերը լավ հաշվարկելն ու պլանավորելը բավարար չէ։ Կան որոշակի հմտություններ, որոնց տիրապետելը չափազանց կարևոր է ցանկացած սկսնակ բիզնեսմենի համար։ Այս թեմայով էլ որոնումները միշտ չէ, որ օգտակար արդյունքներ են արտացոլում։ Սովորաբար այսպիսի ցանկ ենք հանդիպում.

• Հետաքրքրասիրություն,
• Արագ սովորելու ունակություն,
• Շփվելու ունակություն,
• Ինքնավստահություն և այլն։

Ինչպես տեսնում եք, հմտությունների շարքը շատ հաճախ բաղկացած է լինում տարրական ունակությունների թվարկումից, որոնք առանց բիզնես սկսելու ցանկության էլ շատ կարևոր են մարդու համար։ Բայց կա անհրաժեշտ հմտությունների ու քայլերի ցանկ, որ հավաքվել է տարիների փորձի՝ բազմաթիվ ստացված ու չստացված բիզնես նախագծերի իրականացման արդյունքում։ 

Եվ այսօր կփորձեմ ներկայացնել այդ քայլերը, որ պետք է իրականացնել, ու հմտությունները, որոնց անվերապահորեն պետք է տիրապետել մեր օրերում նոր բիզնես սկելիս։